Títulos em Todas as categorias

Rhybudd! Peidiwch â dechrau darllen hwn oni bai bod ganddoch chi'r amser i'w orffen. Os y'ch chi eisiau cwpwl o oriau i ffoi o'r hen fyd yma - dyma'r awdur i chi. - Gaynor Morgan ReesMae Nina yn mynd gydag Anti Eirlys ar drip bws. Mae Anti Eirlys yn gwneud ffrindiau gan adael Nina i sgwrsio efo'r gyrrwr, Marc Jones. Dyma ddechrau'r garwriaeth. Pan mae Anti Eirlys yn marw mae'n gadael Nina yn fenyw gefnog ac o fewn dim mae modrwy ar ei bys. Un diwrnod, does dim golwg o Marc. Pan mae'n ffonio'r cwmni bysus mae'n cael sioc a hanner.

Mae Nel yn trefnu parti pen-blwydd i'w FfG hi, Mair Mwyn. Ond beth yw'r SYRPREIS sy'n aros amdanyn nhw ar y traeth..? Am HER i Nel... rhaid iddi fod yn dawel iawn, iawn. Diolch byth, mae ganddi syniad gwych i ddifyrru ei hun. Mae Nel yn cael cosb ar Faes yr Eisteddfod. Ond a all yr un ddireidus droi tro drwg yn rhywbeth DA i bawb? Hefyd yn y gyfres.

Casgliad o storïau dinesig a ddaeth yn agos iawn at y brig yng nghystadleuaeth y Fedal Ryddiaith ydi Porth gan Luned Aaron. Ymysg y gwead celfydd o straeon, ceir profiadau ymgeisydd lloches ifanc feichiog, gwraig sy’n stryffaglio gyda heriau’r cyfryngau cymdeithasol, dyn sy’n troi at steilydd ffasiwn mewn ymgais i newid ei fywyd, a mam brysur sydd mewn penbleth wrth iddi geisio dewis lliw ei drws ffrynt. Dyma straeon sy’n cyfuno elfennau treiddgar ac ysgafn ac sy’n rhoi cipolwg ar fywydau amrywiol yn y Gymru gyfoes.

Bwch gafr bach yw Bwch sy'n byw ar fferm Tyddyn Od gyda'i berchennog blin Cefin y Dewin. Mae pob un o'i ffrindiau ar y fferm wedi torri record byd. Dyma'r Anifeiliaid Ansbaradigaethus. Mae Bwch yn ysu i fod yn arbennig hefyd. Un diwrnod mae Sali a'i sglefrfwrdd yn cyrraedd y fferm ac mae Bwch yn darganfod ei fod o'n seren wedi'r cyfan! Y gwir yw bod gan bawb ei dalent ei hun.

Llygad am lygad, a dant am ddant? Ydy pobol sydd wedi tramgwyddo yn haeddu cael eu cosbi? Mae yna un llofrudd sy'n credu hynny ac mae yna gyrff yn cael eu canfod mewn amgylchiadau rhyfedd a gwaedlyd. A all Taliesin MacLeavy ei ddal cyn i fwy o bobol farw?

Nofel yw Powell am berthynas taid a'i ŵyr sy'n cyffwrdd ar berthynas Cymru gyda chaethwasiaeth, ac sy'n trafod sut i gydnabod erchyllterau ein hanes mewn ffordd sensitif. Ar ôl archwilio achau'r teulu, mae Taid ac Elis yn mynd i Virginia yn yr Unol Daleithiau i aildroedio llwybrau Edward Powell.

Mae atgofion hunllefus achosion y gorffennol wedi gorfodi Taliesin i ymddeol fel ditectif. Mae e'n cyfrannu i bodlediad am Droseddau Gwir a phan fo linc i lofruddiaeth yn ei gyrraedd ef a Mari, y cyflwynydd, mae'n sylweddoli bod yna debygrwydd rhwng y weithred dywyll a'r hyn maen nhw wedi bod yn ei drafod Ar Ffeil Drosedd. Ond pwy yw'r llofrudd a pham mae'n e'n edrych i'r gorffennol?

Ar ôl darganfod eu bod yn disgwyl babi, mae cwpl ifanc yn dianc o ogledd Cymru ac yn dechrau bywyd newydd yng Nghaerdydd. Mae’r darpar dditectif Sally Morris yn cael ei llogi gan y teulu trallodus i chwilio am eu merch, gan gychwyn ar antur gyffrous a pheryglus sy’n ei harwain i isfyd tywyll y brifddinas, diwydiant twristiaeth Aberaeron ac at galon lwgr y mynydd copr.